Агенција за спортски маркетинг, менаџмент и консалтинг „КМГ Груп Спорт“ , Бул. „Јане Сандански“ бр. 7/2 локал 18, 1000 Скопје, Претставувана од Горан Ѓоргоноски, се обврзува на следните услови, за секој учесник на кампот:

•  6 (шест) дена или 5 (пет) полни пансиони во Хотел „Десарет“ Охрид;
• Организиран превоз за секој учесник на кампот од договорените локации низ Македонија, до Охрид и назад;
• Комплет опрема за секој учесник за тренинг, за хотел и слободни активности;
• Комплет медицински преглед за секој учесник на кампот и медицинска поддршка 24/7 за време на одржување на кампот која ќе ја спроведува медицински тим од Клиника „Жан Митрев“;
• Комплет осигурување со нашиот партнер ТРИГЛАВ Осигурување, за секој учесник на кампот;
• Комплетна тренинг програма за време траење на кампот, специјална спортска
  исхрана за млади спортисти, како и останати едукативни активности (предавања,
  советувања итн) вон тренажниот процес.

Услови и обврски на секој учесник на кампот и неговите родители:

• Да уплати договорената сума за кампот од 22.000 денари денари на жиро-сметка на организаторот на кампот, Агенцијата КМГ Груп Спорт, со можност за плаќање на 5 (пет) рати и тоа: 1. Првата рата 7 (седум) дена по пријавувањето, кое се врши преку пополнување на формуларот; 2. Втората рата во период од 1-ви до 4-ти Април; 3. Третата рата во период од 1-ви до 5-ти Мај; 4. Четвртата рата во период од 1-ви до 5-ти Јуни и 5. Петта рата најдоцна до 5-ти Јули 2025 година;
• Да обезбеди превоз за своето дете – учесникот на кампот, до договореното место за тргнување и да го пречека по завршување на кампот;
• Да гарантира за точноста на податоците со кои е пополнет формуларот;
• Да се придржува на правилата на однесување на тренинзите како и во слободното време, а тие се: Во случај учесникот на кампот да не се приддржува кон правилата на однесување на кампот, а со тоа ја нарушува дисциплината помеѓу останатите учесници, КМГ Спорт, како организатор, го заддржува правото да го опомене учесникот и да го извести родителот. 2. Доколку и по опомената, учесникот не го корегира своето однесување, организаторот има право да го отстрани учесникот од кампот, без поврат на уплатените средства на име на котизација за учество на истиот, со што претходно ќе го извести родителот за таквата постапка;
• Организаторот не сноси одговорност за изгубени или оштетени лични предмети;
• Учесникот на кампот е должен да се однесува одговорно и да не предизвикува штета во хотелот во кој престојува, а доколку се евидентира штета, истата е должен да ја подмири родителот.
• Условите се однесуваат за ракометниот камп „40Х20“ кој ќе се одржи од 06.07 – 11.07.2025 година во Охрид;
• Матерјалите кои ќе се продуцираат (слика и видеа) на кампот за правење на
  прилози се исклучива сопственост на КМГ Груп Спорт како организатор и може да ги употребуваат во маркетиншки цели за потребите на кампот и партнерите на кампот, а со тоа во целост се согласува и го одобрува родителот;
• Доколку дојде до откажување на кампот по вина на организаторот, истиот е
  должен во целост да ги врати уплатените средства на родителот на учесникот на
  кампот;
• Доколку дојде до откажување на кампот поради виша сила (временска непогода, воена или вондредна состојба и сл.), организаторот е должен во целост да ги врати уплатените средства на родителот на секој учесник на кампот;
• Доколку родителот или учесникот го откаже своето учество на кампот од било која причина по истекот на рокот за пријавување (15 Мај 2025 година), организаторот има право да задржи 30 % од вкупниот износ за учество на кампот, а родителот се согласува со тоа.

Се гледаме во Охрид!

КМГ Груп Спорт Дооел Скопје
Организатор на ракометниот камп „40Х20“  и проектот Ракомет За Секое Дете
Контакт: +389 70 355 141 (Горан Ѓоргоноски)
Скопје, 01.02.2025 година