Откриј го својот афинитет, надгради го талентот!

Добредојдовте на официјалната страна на проектот Ракомет За Секое Дете, кој е составен од три сегменти: школа за ракомет ТОПКА , наменета за момчиња и девојчиња на возраст од 6-12 години, Јуниор куп – турнирски систем на натпревари во мини ракомет и ракометен Камп 40х20 , кој секое лето се одржува во Охрид.

 

Школата за ракомет, како еден сегмент од проектот Ракомет За Секое Дете опфаќа едукација на момчиња и девојчиња од најрана возраст, запознавање со ракометната игра, развој на моторички способности, координација и правилен психофизички развој.

 

Школата за ракомет стартуваше со работа во месец Септември 2021 година, на територијата на Град Скопје и во Општина Велес, и брои повеќе од 220 членови и во својата генеза има создавање услови за секое дете да ги покаже своите афинитети и развие својот талент кон ракометот, но и да овозможи дружење и социјализација на момчиња и девојчиња на возраст од 6 -12 години. Покрај тренизните во сала, како основа на школата, во самиот процес на едукација се реализираат предавања и работилници во сегментите: здрава храна и здрав начин на живот и спортска психологија за деца од најрана возраст.

 

Обуката на децата ја вршат дипломирани професори по физичка култура, поранешни ракометари и педагози.

 

Се гледаме во сала!