ПЛАН И ПРОГРАМА НА РАКОМЕТНИОТ КАМП „40х20“

Со реализација на програмата и планот за работа, секој учесник на кампот, преку јасно поставени цели и задачи, ќе го збогати, усоврши и надгради своето ракометно знаење. Преку индивидуални и групни тренинзи, како и преку останатите активности, учесниците ќе се стекнат со следните карактеристики и вештини:

ВОСПИТНО-ОБРАЗОВНИ И СПОРТСКИ ВРЕДНОСТИ

• привикнување на групна работа, дисциплина и одговорност;
• грижа за хигиената на заедничкиот простор и личната спортска опрема;
• дисциплинирано однесување при заеднички оброци;
• развивање на тимска работа и пријателски односи;
• почитување и вреднување на соиграчите и меѓусебните разлики;
• развивање на самодоверба и самовреднување;
• привикнување на напорна и систематска работа карактеристична за врвни спортисти;
• прифаќање на победите и поразите како составен дел од спортот;
• создавање реална слика за сопствената моментална форма, вредности и недостатоци, како и начини за нивно надминување.

---

ИНДИВИДУАЛНИ ТРЕНИНЗИ ПО ПОЗИЦИИ ВО РАКОМЕТОТ

Голмани

• проверка на моменталната состојба;
• голмански став и движење по голот;
• правилно поставување и техника на бранење;
• фрлање топка во контранапад;
• соработка со соиграчите во одбранбената зона.

Пивоти

• заземање став и правилна позиција;
• прием на топка и движење без топка;
• шут со пад;
• излез од зона за прием на топка;
• блокада и деблокада;
• соработка со бекови и останати соиграчи;
• реализирање на шут кон гол.

Бекови

• различни видови залет кон гол;
• проигрување кон бекови, пивоти и крила;
• финтирање;
• шут од чекор;
• скок-шут од прв, втор и трет чекор.

Крила

• основни движења;
• скок-шут кон гол на различни начини;
• финтирање;
• втрчување на линија од 6 метри;
• шутирање по вкрстување со бек.

---

ГРУПНИ И ТИМСКИ ТРЕНИНЗИ

• додавање, прием и водење на топка;
• групен напад и контранапад;
• фази на напад кон гол;
• брзина на проток на топка и правовремено проигрување;
• користење блокови, вкрстувања и претрчување без топка;
• соработка меѓу бекови и крила;
• создавање играч повеќе;
• игра со играч повеќе, игра со играч помалку и игра без голман;
• одбранбен став и дуел игра;
• покривање простор во зона;
• преземање играч и блокирање шут;
• прекин на контранапад;
• одбранбени формации: 6–0, 5–1, 3–2–1 и напад против истите;
• игра против агресивни одбрани;
• брз центар.

---

РАСПОРЕД НА АКТИВНОСТИ НА КАМПОТ

Почетни активности

• прием и сместување на учесниците;
• запознавање со планот и програмата на работа;
• дневен распоред на активности;
• правила за живот и работа на кампот;
• правилно однесување, комуникација и решавање на здравствени, приватни и други проблеми;
• тестирање и формирање на групи според возраст и ракометно искуство.

ДНЕВЕН РАСПОРЕД

• 07:00 – будење
• 07:30 – појадок
• 08:00 – индивидуални и групни тренинзи
• 11:00 – базен и часови по пливање (за почетници)
• 12:30 – едукативни предавања (здрава исхрана, здрав начин на живот, спортска психологија)
• 13:30 – ручек
• 14:00 – 16:00 – задолжителен одмор
• 16:30 – групни и индивидуални тренинзи
• 19:30 – вечера
• 20:30 – забавни активности и слободно време
• 23:00 – спиење

Се гледаме во Охрид!